Við hönnum stafrænar vörur

Með aðsetur í Boston og Reykjavík vinnum við með fyrirtækjum að því að skapa upplifanir sem ná til milljóna. Verkefni okkar spanna allt frá beinum stuðningi til ráðgjafar á stofnanastigi. Verkin okkar, sem innihalda fjölbreytt samstarf með ólíkum aðilum, sýnir hæfni okkar til að umbreyta flóknum hugmyndum í aðgengilegar, notendamiðaðar lausnir.

Vörumótun

Við sköpum vörur frá grunni. Með rannsóknum, notendaflæði og frumteikningum skilgreinum við hvernig vara á að virka og hvers vegna. Þetta setur skýra stefnu fyrir vöruna og styður stöðugan framgang og markvissar endurbætur.

Sjónræn hönnun

Við hönnum skýr og nútímaleg viðmót sem sameina einfaldleika og fagurfræði. Frá framsetningu til gagnvirkni tryggjum við að hvert atriði sé notendavænt, aðgengilegt og í takt við vörumerkið þitt.

Viðskiptavinir

Við vinnum með ýmsum vef- og hönnunarstofum við að þróa verkefni þeirra, ásamt því að sinna fjölbreyttum beinum viðskiptavinum í Bandaríkjunum og á Íslandi. Við bjóðum upp á sérhæfðar lausnir sem styðja verkefni þeirra.

Tæknistuðningur

Við vinnum með ýmsum forriturum og vefstofum til að þróa og styðja við vörur. Við leggjum áherslu á sveigjanleika og tæknilegan stöðugleika, hvort sem um ræðir SaaS-kerfi, framendahönnun eða stuðning við forritunarteymi. Með þessu getum við mætt fjölbreyttum þörfum viðskiptavina.

SaaS og CMS kerfi

Við hönnum og byggjum upp vörur sem geta vaxið með notkun, eins og SaaS kerfi, stjórnborð og vefsíður byggðar á CMS. Hvort sem um ræðir viðmót fyrir kerfi eða markaðssíður leggjum við áherslu á skýrt flæði, endurnýtanlega einingar og auðvelda yfirfærslu til forritunarteyma.

Langtímasamstarf

Við vinnum með teymum til lengri tíma og styðjum vörur eftir því sem þær vaxa og þróast. Þetta getur þýtt reglulega hönnunarferla, þróun nýrra fídusa eða áframhaldandi samstarf til að bæta notendaupplifun og útlit. Við tökum þátt þar sem þörf er á til að halda verkefnum áfram með krafti.

BrandRank.ai

BrandRank.AI er brautryðjandi SaaS hugbúnaðarkerfi sem gerir fyrirtækjum kleift að fylgjast með og greina frammistöðu vörumerkja sinna í síbreytilegu landslagi gervigreindarknúinna leitarvéla. Kerfið býður upp á notendavænt viðmót með gagnvirkum töflum og myndrænum þáttum sem gera flókin gögn auðskilin og draga fram áreiðanlega greiningu. Denorth var fengið til að hanna bæði kerfið og markaðsvefinn fyrir BrandRank.AI og skapaði upplifun sem sameinar virkni, notagildi og ímynd vörumerkisins.

Volvo

Við áttum frábært samstarf með hönnunarteymi Volvo fyrir Metall Design Studio, þar sem við einbeittum okkur að því að bæta núverandi netverslun þeirra. Við unnum að mjög gagnlegri ‘skúffu’ lausn sem gerir notendum kleift að eiga viðskipti á einfaldan hátt – hvort sem það er að kaupa, leigja eða gerast áskrifandi að Volvo bifreiðum beint í gegnum símann. Þessi viðbót býður upp á ýmsa fjármögnunarmöguleika sem mætir ólíkum óskum og þörfum notenda á mörkuðum víða um heim.

InsideTracker

Með því að nýta nýjustu tækni í snjallbúnaði og gagnagreiningu sameinar þetta app lífeðlisfræðileg gögn í rauntíma, svo sem hjartslátt og svefnmynstur, við ítarlega greiningu á blóð- og DNA-vísum. Útkoman er persónuleg heilsuáætlun sem veitir innsýn og ráðleggingar sniðnar að þínu einstaka lífefnafræðilega prófíl, með það að markmiði að hámarka vellíðan með áður óþekktri nákvæmni. Í gegnum CentricPark var okkur sannur heiður að vinna að hönnun DeepDive-innleiðingar appsins með þeim og teyminu hjá InsideTracker.

Joyraft

Joyraft er frumlegur og nýr vettvangur sem gerir notendum kleift að finna og skipuleggja fjölbreytta viðburði á Boston-svæðinu. Fyrir utan "live feed" býður appið upp á fjölmarga gagnvirka möguleika, þar á meðal að tengjast vinum og deila viðburðum og söfnum, og gerir notendum einnig kleift að skoða viðburði bæði á korti og í lista. Við lögðum áherslu á að skerpa á notendaupplifun og hönnun viðmótsins þannig að appið væri bæði aðlaðandi og notendavænt.

Frímann

Frímann er alhliða þjónustukerfi, sérhannað fyrir íslensk félagasamtök, sem hefur þróast í yfir tvo áratugi í nánu samstarfi við fjölda félaga. Við vinnum nú með Frímann- og þróunarteyminu að því að endurhanna og uppfæra notendaupplifun og viðmót kerfisins, bæði fyrir félagsmenn og stjórnendur. Frímann býður upp á sérhæfðar lausnir fyrir umsýslu orlofseigna og aðra lykilþætti í rekstri félaga, ásamt innsýn í mikilvæg gögn, sjálfvirka ferla og persónusniðna notendaupplifun. Með nýrri hönnun verður kerfið bæði notendavænna og sjónrænt aðlaðandi, sem styrkir tengsl félagsins við félagsfólk sitt og gerir alla upplifun mótaða að þörfum notenda.

MortgageCoach

MortgageCoach styrkir lánaráðgjafa í að veita áreiðanlega ráðgjöf með gagnvirku Total Cost Analysis-verkfærinu, sem hjálpar lántakendum að taka upplýstar ákvarðanir um húsnæðislán. Það var góð reynsla að vinna með teymi MortgageCoach að endurhönnun lausnarinnar með það að markmiði að bæta notagildi og betrumbæta notendaupplifun, undir merkjum CentricPark.

Byggiðn

Byggiðn er áhrifamikið stéttarfélag sem sinnir þörfum trésmiða og byggingarmanna. Félagið var stofnað árið 2008 með sameiningu tveggja langlífra stéttarfélaga, annars frá árinu 1904 og hins frá 1899, og sameinar þar með ríkulega sögu réttindabaráttu, velferðar og hagsmuna starfsmanna í greininni. Við endurhönnun vefs Byggiðnar lögðum við áherslu á gott aðgengi fyrir félagsmenn og móttækilega hönnun, þannig að vefurinn virki vel á öllum tækjum. Vefurinn veitir einfalt aðgengi að réttindum og kjörum og tryggir persónubundna og gagnlega upplifun.

FIT - Félag iðn og tæknigreina

Félag iðn- og tæknigreina (FIT) er stærsta stéttarfélag iðnaðarmanna á Íslandi. FIT er þekkt fyrir að tileinka sér tækninýjungar og leitast við að höfða til ungs fólks á vinnumarkaði. Félagið er hluti af Samiðn og Alþýðusambandi Íslands og á einnig aðild að norrænum og alþjóðlegum samtökum. Í samstarfi við AP Media tókumst við á við endurhönnun vefs FIT með áherslu á gott aðgengi og notkunarupplifun sem virkar á öllum tækjum.

ArcSpan

ArcSpan hjálpar útgefendum og smásöluaðilum að nýta notendagögn með ArcSpan AMS™, nýjum hugbúnaði sem gerir kleift að byggja upp, virkja og meta markhópa í rauntíma. Lausnin styður bæði bein og sjálfvirk auglýsingakaup og veitir innsýn í gæði og árangur birtinga. Það var frábær reynsla að endurhanna þetta notendavæna kerfi með ArcSpan-teyminu fyrir CentricPark.